DOWNLOAD APP YETU HAPA

MANISPAA YA UBUNGO KUKUSANYA ZAIDI YA SH. MILIONI 104 BAJETI YAKE YA 2020/2021

  Masama Blog      

Na Bashir Nkoromo

Halmashauri ya Manispaa ya Ubungo jijini Dar es Salaam, inatarajia kukusanya au kupokea zaidi ya sh. milioni 104.6 katika mwaka wa fedha wa 2020/2021.

Hayo yamesemwa na Mkurugenzi wa Manispaa hiyo, Beatrice Dominic wakati akisoma rasimu ya mpango wa Bajeti ya halmashauri hiyo kwa kipindi cha Julai 2020-Juni 2021 kwenye Mkutano Maalum wa Baraza la Madiwani, uliofanyika leo.

Mkurugenzi huyo amesema, katika fedha hizo ambazo ni Sh. 104,644,876,344.86 Manispaa hiyo itapata Sh. 81,995,999,669.86 ambazo zitakuwa ni ruzuku kutoka Serikali Kuu, Sh. 20,002,948,852 fedha za makusanyo ya ndani Halmashauri hiyo, Sh. 1,895,927,823 kutoka kwa wafadhili na Sh. 750,000,000 zitatokana na michango ya nguvu za wananchi.

Amesema, makadirio ya Bajeti hiyo ya 2020/2021 imeongezeka mwa kiasi cha Sh. 22, 791,778,974.86 ikiwa ni sawa na asilimia 27.8 ikilinganishwa na makadirio ya bajeti inayoendelea ya mwaka 2019/2020.

Mkurugenzi Beatrice amesema katika mchanganuo wa fedha ambazo Halmashauri ya Manispaa hiyo itapata ni kwamba Fedha za ruzuku kutoka Serikali kuu ndizo nyingi zaidi ambapo zitakuwa asilimia 78, wakati Mapato ya ndani ni asilimia 19, za wafadhili asilimia 2 na mchango ya wananchi itakuwa ni asilimia moja tu.

Mkurugenzi huyo amesema, katika mwaka wa fedha wa 2020/2021, Halmashauri ya manispaa ya Ubungo inatarajia kutumia kiasi cha fedha cha sh. 104,644,876,344.86 ambapo kati ya fedha hizo, Sh. 88,599,143,250.86 ni matumizi ya kawaida na mishahara ambayo ni sawa na asilimia ya bajeti yote.

Amesema sh. 16,045,816,960 ni fedha zitakazotumika kutekeleza miradi mbalimbali ya maendeleo ambayo ni sawa na asilimia 15 ya bajeti yote na kwamba fedha hizo zitakazotumika katika miradi ya maendeleo zinajumuisha kiasi cha sh. 8, 516,769,314.

Mkurugenzi huyo amesema bajeti hiyo imelenga katika kuboresha maisha ya wananchi na kukuza kipato cha mkazi ili kukuza uchumi wa ndani na kwamba miongoni mwa vipaumbele vya Halmashauri ya Manispaa hiyo itakuwa ni kuimarisha utawala bora, na uhtoaji huduma kwa jamii kwa kujenga ofisi tisa za mitaa, ujenzi wa Jengo la halmashauri na ununuzi wa gari la Idara ya Utawala.

Amesema kwa upande wa Uchaguzi Mkuu wa Rais na Wabunge na madiwani, Halmashauri hiyo ya Manispaa ya Ubungo itatumia sh. milioni 240, kusimamia uchaguzi huo.
Meya wa Manispaa ya Ubungo Boniface Jacob akizungumza na waandishi habari mara baada kusoma rasimu ya mpango wa Bajeti ya halmashauri hiyo kwa kipindi cha Julai 2020-Juni 2021 kwenye Mkutano Maalum wa Baraza la Madiwani, uliofanyika leo jiji Dar es Salaam.(Picha na Emmanuel Massaka wa Michuzi Tv)
Mkurugenzi wa Manispaa ya Ubungo Beatrice Kwai akizungumza na waandishi habari hawapo pichani wakati wa kusoma rasimu ya mpango wa Bajeti ya halmashauri hiyo.
picha ya meza kuu

Madiwani wa Manispaa ya Ubungo wakifatilia kwa makini hotuba ya Meya wa Manispaa ya Ubungo Boniface Jacob.
Picha ya pamoja


from MICHUZI BLOG https://ift.tt/2u4PAIw
via
logoblog

Thanks for reading MANISPAA YA UBUNGO KUKUSANYA ZAIDI YA SH. MILIONI 104 BAJETI YAKE YA 2020/2021

Previous
« Prev Post