MKUU WA WILAYA AKATAA UJENZI WA CHUMBA CHA DARASA,NI MGANDILWA WA KIGAMBONI..SABABU NI HIZI... SOMA HAPA | Masama Blog


MKUU WA WILAYA AKATAA UJENZI WA CHUMBA CHA DARASA,NI MGANDILWA WA KIGAMBONI..SABABU NI HIZI... SOMA HAPA

 Mkuu Wa wilaya ya Kigamboni Mhe Hashim Mgandilwa, leo tarehe 8/11/2016 amefanya ziara katika Kata ya Kibada ikiwa ni mwendelezo wa ziara yake ya kutembelea Kata mbalimbali za Wilaya ya Kigamboni ili kushirikiana na wananchi katika shughuli za kimaendeleo, kusikiliza na kutatua kero zao moja kwa moja kwa kuwafuata wananchi walipo.

DC Mgandilwa ameshiriki katika ujenzi wa vyumba 3 vya madarasa kwenye shule ya Msingi Mizimbini ambapo ameshirikiana na wananchi kusomba matofali, maji na kisha ujenzi wa kuta kwa kushirikiana na mafundi.  Vyumba hivyo vya madarasa vinajengwa kwa nguvu za wananchi na viko katika hatua za mwisho kukamilika.

DC Mgandilwa pia amezindua chumba kimoja cha darasa ambacho kimejengwa kwa fedha iliyotolewa na Rais wa Jamhuri ya Muungano wa Tanzania Mhe John Pombe Magufuli.

DC alikataa kukubaliana na taarifa ya ujenzi wa chumba hicho cha darasa iliyotaja kuwa pesa yote iliyotolewa kwa ajili ya ujenzi illitumika ikaisha kabla ya ujenzi kukamilika kisha wakaomba pesa nyingine kwa diwani iliyosaidia kukamilisha ujenzi huo. 

"......pesa iliyotolewa ilikuwa imepigiwa mahesabu ya kuanza msingi Mpaka ujenzi kukamilika, iweje hapa haikutosha na katika maeneo mengine ilitosha?.....hii haiwezekani na lazima waliohusika na hujuma hizi wawajibike.... " Alisisitiza Mgandilwa

DC Mgandilwa ameagiza wakaguzi wa mahesabu kutoka halmashauri ya manispaa ya Kigamboni kwenda shuleni hapo na kuhakiki gharama zilizotumika kama ni kweli ili kama kuna ubadhilifu wowote hatua kali za kisheria zichukuliwe dhidi ya wahusika.

Katika Mkutano wa hadhara, DC Mgandilwa amewataka wananchi kuendelea kujitoa katika shughuli za kimaendeleo pale wanapoombwa na viongozi wao kufanya hivyo
Amesema yeye na uongozi mzima wa wilaya ya Kigamboni wako tiyari kushirikiana na wananchi katika shughuli mbalimbali za kimaendeleo na pale watakaokuwa na shughuli kama hizo wasisite kuwaalika ili washirikiane nao.

Ziara ya Mkuu wa wilaya inalenga kumpa fursa DC kushirikiana na wananchi katika shughuli za kimaendeleo, kusikiliza na kutatua kero zao moja kwa moja katika maeneo wanayoishi.

BOFYA LIKE KUUNGANA NASI FACEBOOK!


UNAIJUA BIASHARA YA FOREVER LIVING?....Kama una mtaji kuanzia 250,000 hadi 1,020,000 na unapenda kujikwamua na kubadilisha maisha yako kupitia biashara hii Tupigie simu nambari 0625539100 au 0625539200